అసెంబ్లీలో కాంగ్రెస్ పాలన పై మండిపాటు…

Thovva web news.in.17.Feb.sat..

అసెంబ్లీలో బడ్జెట్ సమావేశాలు వాడీవేడిగా జరుగుతున్నాయి.
రాష్ట్రంలో నీటి పారుదల ప్రాజెక్ట్ లు విషయంలో గత బి అర్ ఎస్ ప్రభుత్వం తీసుకున్న నిర్ణయాల పై కాంగ్రెస్ శాసనసభలో శ్వేత పత్రం విడుదల చేసింది. ఈ అంశంపై మాజీ మంత్రి హరీష్ రావు స్పందించారు. సమైక్య రాష్ట్రంలో కాంగ్రెస్ పరిపాలనలో తెలంగాణ అనుభవించిన కరువు బాధలను, నీళ్ల గోసలను అంతులేని వివక్షను అడ్డులేని దోపిడిని చూసి ఆగ్రహించి పాట రాయని కవి లేడన్నారు. గళం ఎత్తని గాయకుడు లేడని కాంగ్రెస్ పాలన మీద గద్దర్ రాసిన పాటను అసెంబ్లీలో స్వయంగా హరీష్ రావు పాడి వినిపించారు.కాంగ్రెస్ పాలనలో రన్న మనకు కన్నీళ్లే మిగిలాయిరన్నో గోదావరి తల్లి గొల్లుమని ఏడ్చింది. కృష్ణమ్మ తల్లిరా కన్నీళ్లు రాల్చింది. సింగరేణి తల్లి సిన్నబోయినది.. 610 జీవో జీరో అయింది.’ అని కాంగ్రెస్ పాలనపై గద్దర్ రాసిన పాటను పాడారు. ఉత్తరాన గోదావరి ఉప్పొంగి ‘ఉరకనేమి దక్షిణాన కృష్ణమ్మ దర్జాగా పారనేమి నీళ్లు లేక నోళ్లు తెరిచెబీళ్లను చూడు మా పల్లెలన్నీ బోసిపోగ తల్లడిల్లుతున్న తల్లి చూడు తెలంగాణ, చుక్క లేని నీళ్లు లేని దాన మా గోడు తెలంగాణ, బతుకు పాడైన దాన..’ అంటు అనాటి రచయితలు కాంగ్రెస్ పాలనపై పాట రాశారని హరీష్ రావు గుర్తు చేశారు.